સુરતઃ દર વર્ષની જેમ આ વર્ષે પણ શ્રી આદર્શ રામલીલા ટ્રસ્ટ દ્વારા 14મી ઓક્ટોબરથી 28મી ઓક્ટોબર દરમિયાન 47મો વાર્ષિક રામલીલા મહોત્સવ ઉજવવામાં આવશે. 2 ઓક્ટોબર, સોમવારના રોજ વેસુના રામલીલા ગ્રાઉન્ડ ખાતે સવારે 10.30 કલાકે રામલીલાનું ભૂમિપૂજન કરવામાં આવ્યું હતું.
મંત્રી અનિલ કુમાર અગ્રવાલે જણાવ્યું હતું કે અમારા ટ્રસ્ટનો મુખ્ય ઉદ્દેશ્ય બાળકોને આપણી સંસ્કૃતિથી વાકેફ કરવાનો અને ધર્મ પ્રત્યે આસ્થા કેળવવાનો છે. વૃંદાવનના રસાચાર્ય શ્રી ત્રિલોક જી શર્માની મંડળી દ્વારા લીલાનું મંચન કરવામાં આવશે. રામલીલા મંડપ પૂજા ભક્તિભાવપૂર્વક કરવામાં આવી હતી. આ કાર્યક્રમમાં બાડા મંત્રી અંશુ પંડિત, લીલા મંત્રી ગણેશ ચાંગોઇવાલા, સહ લીલા મંત્રી લલિત સરાફ, મંત્રી સુશીલ બંસલ, ખજાનચી રતન ગોયલ અને અન્ય સભ્યો હાજર રહ્યા હતા.
