સૂરતઃ રાષ્ટ્રીય મહિલા આયોગ દ્વારા નવી દિલ્હીના વિજ્ઞાન ભવન ખાતે રાષ્ટ્રીય મહિલા આયોગના ૨૯મા સ્થાપના દિવસ- તા.૩૧મી જાન્યુઆરીએ મહિલા કોરોના વોરિયર્સનો સન્માન સમારોહ યોજાયો હતો. જેમાં કોરોના મહામારીમાં ઉમદા કામગીરી બદલ ગુજરાત રાજ્ય મહિલા આયોગના અધ્યક્ષા શ્રીમતી લીલાબેન અંકોલીયાને ‘કોવિડ વુમન વોરિયર્સ- ધ રિઅલ હીરોઝ’ એવોર્ડ અર્પણ કરી નવાજવામાં આવ્યા હતા.
કેન્દ્રીય સામાજિક ન્યાય અને અધિકારિતા રાજ્યમંત્રીશ્રી રતનલાલ કટારિયા અને રાષ્ટ્રીય મહિલા આયોગના અધ્યક્ષા રેખા શર્મા, કેન્દ્રીય મહિલા અને બાળ વિકાસ વિભાગના સચિવશ્રી રામમોહન મિશ્રાની ઉપસ્થિતિમાં કેન્દ્રીય માહિતી અને પ્રસારણ મંત્રીશ્રી પ્રકાશ જાવડેકરના હસ્તે લીલાબેનને એવોર્ડ એનાયત કરવામાં આવ્યો હતો.
