સુરતની કલા, સંસ્કૃતિ, વિચાર અને સંવાદને એક મંચ પર લાવતા પાંચ દિવસીય તાપી ઉત્સવનો આરંભ
સુરત: કન્સેપ્ટ મેડિકલ અને અનુપમ રસાયણ ઈન્ડિયા લિમિટેડમાં સંયુક્ત ઉપક્રમે તાપી ઉત્સવ 2024નું આયોજન કરવામાં આવ્યું છે. સુરતમાં કલા, સંસ્કૃતિ, વિચાર અને સંવાદને એક મંચ પર લાવતા તાપી ઉત્સવનો આરંભ થઈ ગયો છે. આ ઉત્સવ આગામી તા. 11મી સુધી સાયન્સ સેન્ટરમાં ચાલશે. તાપી ઉત્સવ એ દરેક સુરતવાસીઓ માટેની ઉજવણીનો અવસર છે.
સાયન્સ સેન્ટરમાં દરરોજ સવારે 10.00 થી 11.00 વાગ્યા સુધી વિવિધ પ્રવૃત્તિઓનું આયોજન કરવામાં આવ્યું છે. જેમાં જ્ઞાન ગોષ્ઠી, થિયેટર, સિનેમા, સંગીત સમારોહ, કવિતા, વાર્તાલાપ વગેરેનો સમાવેશ થાય છે. આ તાપી ઉત્સવની પાંચમી આવૃત્તિ છે. સાથેજ ચર્ચાઓ, ફિલ્મો, પ્રદર્શનો અલગ અલગ પ્રકારની થીમ પર કેન્દ્રિત રહેશે. આ વખતે પસંદ કરેલી થીમ છે “ક્રોસઓવર”છે. સમાજમાં પરિવર્તન કે સુધારણા, કેટલા અનિવાર્ય છે, તેની ચર્ચા કરવામાં આવશે.
આજે બપોરે 3.00 વાગ્યે ઉત્સવ શરૂ થયો હતો. જેમાં દિલીપ જોશી અભિનીત ‘હું હુંશી હુંશીલાલ’ નામની ગુજરાતી ફિલ્મ દર્શાવવામાં આવી હતી અને તેના દિગ્દર્શક સંજીવ શાહ ફિલ્મના શીન શેર કરાયા હતા. જ્યારે સાંજે 5.00 થી 6.30 દરમિયાન શરીફ વિજલીવાલા તેના પુસ્તક પર આધારિત ભાગલાની દર્દનાક વાર્તા ના અંશો રજૂ કર્યા હતા. આજના કાર્યક્રમમાં મોટી સંખ્યામાં લોકો જોડાયા હતા.
કાલે 8મી ફેબ્રુઆરીએ સવારે 11.00 કલાકે કમાલિકા બોઝ દ્વારા વાર્તાલાપ છે અને બપોરે 3.00 કલાકે અનામિકા હસ્કરની ખૂબ જ રસપ્રદ ફિલ્મ ‘ઘોડે કો જલેબી ખિલાને લે જા રિયા હૂં’ બતાવવામાં આવશે. સાંજે 5.00 કલાકે પ્રખ્યાત સામાજિક કાર્યકર અને લેખિકા મિતલ પટેલનું વક્તવ્ય છે.
9મી ફેબ્રુઆરીએ સવારે 11.00 કલાકે રાજેન્દ્ર ટીકુ દ્વારા પ્રસ્તુતિ થશે અને શિશિર ઝાની ફિલ્મ ‘ટોર્ટોઈઝ અંડર ધ અર્થ’ બપોરે 3.00 કલાકે જોઈ શકાશે. સાંજે 5.00 કલાકે સંઘમિત્રા દેસાઈ અને સુરેન્દ્ર ગાડેકર દ્વારા વાર્તાલાપ છે. અનુભા ફતેહપુરિયાનું નાટક ‘કાગઝ કે ગુબ્બરે’ સાંજે 6.30 થી 8.00 દરમિયાન જોઈ શકાશે અને રાત્રે 9.00 થી 11.00 દરમિયાન ‘પ્રેમ રામાયણ’ નાટક રજૂ કરવામાં આવશે.
અજિતપાલ સિંહની ફિલ્મ ‘ફાયર ઇન ધ માઉન્ટેન’ 10મી ફેબ્રુઆરીના રોજ સવારે 11.00 કલાકે રજૂ કરવામાં આવશે. બપોરે 3.00 કલાકે અભિનેત્રી રત્ના પાઠક શાહ દ્વારા વાર્તાલાપ, સાંજે 5.00 કલાકે નિધિશ ત્યાગીનું કાવ્યપઠન, સાંજે 6.30 કલાકે વિદ્યા શાહનું સ્વર પાઠ છે. , રાત્રે 9.00 કલાકે જ્યોતિ ડોગરા દ્વારા ‘માસ’ રજૂ કરશે.
ફેસ્ટિવલના છેલ્લા દિવસે સવારે 11.00 કલાકે પ્રશાંત પંજિયાર, વિવેક દેસાઈ, ઝોયા લોબો, અનુજ અંબાલાલ, સૌરભ દેસાઈ જેવા જાણીતા ફોટોગ્રાફરોનું પ્રેઝન્ટેશન છે. સાંજે 5.00 કલાકે નિબંધકાર અને કવિ યજ્ઞેશ દવે દ્વારા કવિતા વાંચન, 6.30 કલાકે પુનિત પાનિયા સ્ટેન્ડ અપ કોમેડી રજૂ કરશે.
પ્રભાવશાળી લોકોના શ્રેણી બદ્ધ કાર્યક્રમ અને પ્રદર્શન આ ઉત્સવને આકર્ષિત કરશે બેન્ડ ઈન્ડિયન ઓશન દ્વારા સંગીતમય પ્રદર્શન સાથે સમાપન થશે. આ બધા ઉપરાંત, કલાવિતિ હેઠળ પરંપરાગત હસ્તકલાને પ્રોત્સાહન આપતી અન્ય ઇવેન્ટ્સ અને હાથથી કામ કરીને શીખવામાં ફાળો આપતી વિવિધ વર્કશોપ છે. 2014 થી યોજાતા તાપી ઉત્સવનું આયોજન દેશના મોટા શહેરોમાં યોજાતા અન્ય શહેરી ઉત્સવો સાથે કરી શકાય તેવા સ્કેલ પર કરવામાં આવ્યું છે.
શહેરના ઉત્સવોમાં ઘટનાને આકાર આપનારા અનેક દિમાગના એકસાથે આવવાનો સવાંદ હોય છે, પરોપકારી વ્યક્તિત્વો અને તેને સમર્થન આપતી સંસ્થાઓ, સ્વયંસેવકો ઉત્સવમાં સેવા આપે છે. નાગરિકો કે જેઓ તેમની હાજરી દ્વારા આ વિચારને વિશ્વાસ આપે છે. નાગરિકોને વિનંતી કરવામાં આવે છે કે તેઓ ઘટનાના વિગતવાર વર્ણન અને કેલેન્ડર સંબંધિત તમામ વિગતો જાણવા માટે તાપી ઉત્સવ ઇન્સ્ટાગ્રામ પેજને ફોલો કરે.
